எளிதான முறையில் முட்டை பிரியாணி செய்வது எப்படி? Samayal Tamil Tips

எளிதான முறையில் முட்டை பிரியாணி செய்வது எப்படி என்பதை இங்கு பார்க்கலாம் வாருங்கள்.

தேவையான பொருட்கள் : 

முட்டை                         -             10
பாசுமதி அரிசி              -             1/2 கிலோ
தக்காளி                          -              3
பெரிய வெங்காயம்   -             2
கடைந்த தயிர்              -            1 கப்
எண்ணெய்                     -            500 ml
நெய்                                  -            1/4 கப்
உப்பு                                  -             2 டீஸ்பூன்,
மஞ்சள்தூள்                   -             1/4 டீஸ்பூன்
இஞ்சி + பூண்டு             -             4 டீஸ்பூன்

அரைக்கவும் :

பச்சை மிளகாய்             -                      4
பட்டை                               -                     2
லவங்கம்                          -                     2
ஏலக்காய்                          -                      5
புதினா                                 -                   1 கைப்பிடி
கொத்தமல்லித்தழை   -                   1 கைப்பிடி.

செய்முறைகள் : 

* அரிசியைக் நன்றாக கழுவி ஊறவிடவும்.

* வெங்காயம், தக்காளி, கொத்தமல்லியை பொடியாக நறுக்கி கொள்ளவும்.

* அரைக்கக் கொடுத்துள்ள பொருட்களை நன்று அரைத்துக்கொள்ளுங்கள்.

* முட்டை, 1/4 டீஸ்பூன் உப்பு, அரைத்த மசாலா 1/2 டீஸ்பூன், மஞ்சள்தூள் ஒரு துளி இவற்றை சேர்த்து மிக்ஸியி ல் .அரைத்து கொள்ளுங்கள் .

* அடித்த முட்டையை குழிப்பணியார சட்டியில் பணியாரம் போல் ஊற்றி சுட்டெடுங்கள் அல்லது ஒரு பாத்திரத்தில் எண்ணெய் தடவி கலவையை விட்டு, இட்லி போல் வேகவிடுங்கள். ஆறிய பிறகு சிறிய துண்டுகளாக வெட்டுங்கள்.

* அடி கனமான பாத்திரத்தை அடுப்பில் வைத்து எண்ணெய், நெய் விட்டு சூடானதும் வெங்காயம் போட்டு வதக்கவும்.

* வெங்காயம் நன்றாக வதங்கியதும் அரைத்த மசாலா, தக்காளி, தயிர், மஞ்சள் தூள், உப்பு போட்டு சுருள சுருள வதக்கவும்.

* எண்ணெய் கக்கி வரும் போது, ஒரு கப் வென்னீர் விட்டு தளதளப்பாக இருக்கும் போது முட்டையை போட்டு கிளறி கொதிக்கவிடுங்கள்.

* இன்னொரு அடுப்பில், ஒரு பாத்திரத்தில் வென்னீர் வைத்து, ஊறவைத்த அரிசியை உப்பு போட்டு, அரைப்பதமாக வேகவிட்டு வடித்து, கொதிக்கும் முட்டை கலவையில் போட்டு கிளறி ‘தம்’ போட்டு வெந்ததும் இறக்கி பரிமாறவும்.

* முட்டை பிரியாணி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை கீலே உள்ள கமெண்ட் பாக்ஸில் பதிவிடுங்கள் ..

நன்றி ---